مبالغہ
بات کو بڑھا چڑھا کر بیان کرنا مبالغہ کہلاتا ہے۔
جیسے۔۔
گرمی سے مضطرب تھا زمانہ زمین پر
بھن جاتا تھا جو گرتا تھا دانا زمین پر
نوٹ : گرمی کا زیادہ ہونا الگ بات ہے لیکن اتنی گرمی نہیں ہوتی کہ زمیں پر اگر دانہ گرجائے تو بھن جائے۔
یعنی کہ دانہ گرتے ہی بھن جائے۔۔ اس بات کو بڑھا چڑھا کےبیان کیا گیا ہے۔
***********
سوال۱۔ شاعر کس دل کی دوا بننا چاہتا ہے؟
جواب۔ شاعر دکھے ہوئے دل کی یا جس دل میں درد ہو اس دل کی دوا بننا چاہتا ہے ۔
سوال۲۔ شاعر کو ہوا بن جانے کی خواہش کیوں ہے؟
جواب۔ شاعر کو ہوا بن جانے کی خواہش اس لئے ہے تاکہ جن لوگوں کے تڑپتے ہوئے دل سے آنسو نکل رہے ہیں ان کو سکھاسکے ۔
سوال۳۔ شاعر وطن کو کس نور سے بھرنے کی خواہش کرتا ہے؟
جواب۔ عیش و مسرت کے نور سے ۔
سوال۴۔ شاعر نے ضعیفوں کے لئے عصا بننے کی خواہش کیوں کی ہے؟
جواب۔ شاعر نے ضعیفوں کے لئے عصا بننے کی خواہش اس لیے کی ہے تاکہ وہ ان بے سہارا لوگوں کا سہارا بن سکے۔
سوال۵۔ "مادرِ ہند کو جنت کا نمونہ کردوں" اس سے شاعر کی کیا مراد ہے؟
جواب۔ اس کا مطلب ہےکہ شاعر اپنے وطن کو اتنا خوبصورت بنا دینا چاہتا ہے کہ ایسا معلوم ہوکہ یہ جنت کا ہی ایک حصہ ہے۔
سوال ۔ شاعر نے نکہت بادِ بہادری سے کیا کہا ہے ؟
جواب۔ شاعر نے نکہت بادِ بہادری سے یہ کہا کہ تم ہمارے ساتھ چھیڑ چھاڑ مت کرو کیونکہ ہم اس دنیا سے بے زار بیٹھے ہیں یعنی تمہاری ٹھنڈی اور خوبصورت ہوا کا ہمارے اوپر کوئی اثر نہیں ہونے والا۔
سوال۔ چوتھے شعر میں شاعر نے کن چیزوں کے کھونے پر رنج وغم کا اظہار کیا ہے ؟
جواب ۔ صبر و تحمل، ننگ و نام۔
سوال۔ "غنیمت ہے کہ ہم صورت یہاں دو چار بیٹھے ہیں" سے شاعر کی کیا مراد ہے ؟
جواب۔ اس کا مطلب یہ ہے کہ خدا کا شکر ہے اور یہ ہمارے حق میں بہتر ہے کہ ہم صورت ہمارے پاس موجود ہیں یعنی ہم جیسے لوگ اور بھی موجود ہیں جن سے بات کر کےہم اپنی تکلیف بانٹ سکتے ہیں اور اپنا دل ہلکا کر سکتے ہیں۔
نظم "کئے جاؤ کوشش" ہماری نصابی کتاب "گلزارِ اردو " سے لی گئ ہے ۔اس کے شاعر اسمعیل میرٹھی ہے۔ اس نظم میں انہوں نے لگاتار محنت کرنے کے لیے کہا ہے۔
جب بھی ہم کسی چیز کے لیے محنت کریں تو ہمیں لگاتار مستقل محنت کرنی چاہیے یہ نہیں سوچنا چاہئے کہ ہم جیتیں گے یا ہارینگے کیونکہ کسی بھی مقابلے میں جیت اور ہار چلتی رہتی ہے ہمیں مستقل کوشش کرنی چاہیے۔ اگر ہم ہار بھی جائیں تو ہمیں ہار نہیں ماننی چاہیئے بلکہ دوبارہ کوشش کرنی چاہیے۔کوئی بھی سبق اگر ہم ایک بار سمجھ میں نہیں آتا تو اس کو دوبارہ پڑھیں گے اور کئی کئی بار پڑھیں گے تو وہ چیز ہماری سمجھ میں آجائے گی۔اسی طرح اگر ہمارا کوئی بھی کاروبار ہے کوئی بھی کام ہے اگر ہم اس کو چھوڑ کر بیٹھ جائیں گے تو پھر کیا ہوگا،ہم اپنا ہی بیڑا غرق کر لیں گے، اپنا ہی نقصان کر لیں گے ۔اس لئے جو بھی ہو ہمیں لگاتار کام کرنا چاہیے جب تک کہ ہمیں جیت حاصل نہ ہوجائے۔
اس کے علاوہ شاعر نے کیا ہے کہ ہمارے دل میں یہ بات کبھی نہیں آنی چاہیے کہ ہم ہار گئے تو کیا ہوگا ؟ ہر حال میں حوصلہ رکھنا چاہیے اور کوشش کرنی چاہیے ۔باقی سب اللہ تعالی کے اوپر چھوڑ دینا چاہیے کہ اللہ کے ہاتھ میں ہے جو ہوگا وہ بہتر ہوگا لیکن ہمیں کوشش ضرور کرنی چاہیے۔
